Katër trajnerë nga Kosova po qëndrojnë në Stamboll të Turqisë

Vizita e trajnerëve Shemsedin Bytyqi, Zyrije Pireva, Arbër Rushiti dhe Anesa Korqa po bëhet në kuadër Coaches Observation Trip nga YDF (Youth Development Fund),që është një vizitë studimore dhe praktike për trajnerë, e organizuar në kuadër të programit zhvillimor të FIBA për vendet pjesëmarrëse si Kosova, Turqia, Rumania, Bullgaria dhe Maqedonia e Veriut.

Kjo është mundësuar nga Federata e Basketbollit e Kosovës (FBK), që ka për synim zhvillimin për trajnerët vendorë dhe edukimin e tyre.

Trajnerë do të kenë mundësi të shkëmbejnë përvoja me ata të huaj, si dhe të ndjekin seminaret e basketbollit.

 Çfarë është konkretisht?

Është një udhëtim profesional për trajnerë, ku ata shkojnë në një shtet tjetër (zakonisht me sistem më të avancuar zhvillimi) për të:

            • Vëzhguar seanca stërvitore live (U14 / U16)

            • Ndjekur metodologjinë e trajnerëve lokalë

            • Analizuar planifikimin e stërvitjes

            • Diskutuar me staf teknik dhe drejtues akademish

            • Shkëmbim përvojash dhe praktikash të mira

 Qëllimi kryesor

            • Rritja e kapaciteteve të trajnerëve

            • Transferimi i njohurive në vendin e tyre

            • Standardizimi i metodologjisë sipas kornizës së FIBA-s

‍