Besim Vitaku në FIBA Potential National Referee Camp në Vjenë

Nga 30 mars deri më 4 prill është mbajtur FIBA Potential National Referee Camp në Vjenë, ku ka marrë pjesë edhe gjyqtari nga Kosova, Besim Vitaku.

Në këtë Kamp kanë marrë pjesë 24 gjyqtarë nga e gjithë Evropa, duke përfshirë shtete të ndryshme si: Franca, Greqia, Izraeli, Italia, Letonia, Lituania, Polonia, etj.

Besim Vitaku është kandidat për licencim nga FIBA Europe për periudhën 2027-2029.

Përgjegjës për këtë kamp kanë qenë instruktorët Andrej Jelen (Slloveni) dhe Paul Valentin (Austri).

Ligjërues po ashtu ka qenë edhe Manuel Mazzoni, zëvendës menaxheri i departamentit të gjyqtarëve të FIBA-s.

Vitaku ka pasur mundësi të gjykojë ndeshjen hapëse të këtij turneu të organizuar për këtë kamp në grupmoshën U20 meshkuj.

Gjyqtari nga Kosova ka qenë i nominuar si Referee Observer, e më pas ka qenë i nominuar për çerekfinalen e këtij turneu. Ai ka qenë gjyqtar i 4 (StandBy Referee) në gjysmëfinalen e meshkujve për grupmoshën U20.

Kjo ka qenë një përvojë shumë e mirë për gjyqtarin nga Kosova, i cili këtë përvojë do ta zbatojë në vendin tonë.

‍