Trepça pëson edhe në përballjen e dytë me Promitheas Patras

Trepça është mposhtur në udhëtim nga Promitheas Patras me rezultat 81:71, në ndeshjen e xhiros së gjashtë të Grupit A në FIBA Europe Cup.

Skuadra greke e nisi më mirë takimin, duke e përmbyllur çerekun e parë me epërsi 17:9. Mitrovicasit reaguan në periudhën e dytë, të cilën e fituan 22:20, ndërsa pjesa e parë përfundoi 37:31 në favor të vendasve.

Çereku i tretë ishte i barabartë (16:16), por në dhjetëminutëshin e fundit Promitheas arriti ta thellonte epërsinë, duke siguruar fitoren e katërt në këtë edicion të garës.

Te Trepça, më efikasi ishte Shawn Jones me 15 pikë dhe 6 kërcime, ndërsa Andrew Thelwell kontribuoi me 12 pikë. JP Tokoto regjistroi 11 pikë, 7 kërcime dhe 5 asistime. Te skuadra greke u dallua New Williams me 21 pikë.

Mitrovicasit patën vështirësi në realizimet nga distanca, duke shënuar vetëm 6 nga 34 tentimet për tri pikë.

Kjo ishte humbja e dytë e Trepçës ndaj Promitheas Patras, pasi skuadra greke kishte triumfuar edhe në përballjen e parë në Mitrovicë me rezultat 91:77.

Pas gjashtë ndeshjeve, Trepça ka bilanc prej tri fitoreve dhe tri humbjeve, duke u renditur në pozitën e katërt të Grupit A me 9 pikë.

Grupi kryesohet nga Gladiators Trier, që ka fituar të gjashtë ndeshjet, ndërsa Promitheas Patras dhe Split kanë nga katër fitore dhe dy humbje.

‍